Муассисаи давлатии таълимии "Коллеҷи тиббии ҷумҳуриявӣ"

Маъмурият

ДИРЕКТОРИ МУАССИСАИ ДАВЛАТИИ ТАЪЛИМИИ
«Колеҷи тиббии ҷумҳуриявӣ»
АШУРИЁН Шаҳло Сайфуллозода

Ашуриён Шаҳло Сайфуллозода  12-уми майи соли 1980 дар Ҷумҳурии Тоҷикистон таваллуд шудааст. Соли 2002 факултаи умумитиббии Донишгоҳи давлатии тиббии Тоҷикистон ба номи Абӯалӣ ибни Синоро бо ихтисоси кори табобатӣ,  соли 2019 факултаи ҳуқуқшиносии Донишгоҳи миллии Тоҷикистонро бо ихтисоси ҳуқуқшиносӣ хатм кардааст. Айни ҳол донишҷӯи Донишкадаи идоракунии  давлатии назди Президенти Ҷумҳурии Тоҷикистон мебошад.
Фаъолияти меҳнатиашро соли 2002 ба сифати табиби минтақавии Маркази саломатии шаҳрии №9 шаҳри Душанбе оғоз намуда, то соли 2007 дар маркази мазкур  фаъолият кардааст. Сипас солҳои 2007 — 2011 дар мансабҳои мутахассис, мутахассиси пешбар ва сармутахассиси Раёсати таҳсилоти тиббию фарматсевтӣ, сиёсати кадрҳо ва илми Вазорати тандурустӣ ва ҳифзи иҷтимоии аҳолии Ҷумҳурии Тоҷикистон кор кардааст. Аз соли 2011 то соли 2015 дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон  ба ҳайси сардори шуъбаи кадрҳои Раёсати таҳсилоти тиббию фарматсевтӣ, сиёсати кадрҳо ва илм фаъолият намудааст.
Соли 2013 рисолаи номзадиашро дар мавзӯи «Бемориҳои диққи нафас дар кудакон» ҳимоя намудааст ва рисолаи докторӣ дар мавзӯи “Бемориҳои диққи нафас дар кудакон бо ҳамрадифи бемориҳои метаболикӣ” дар арафаи анҷомёбист. Муаллифи зиёда аз 50 мақолаҳои илмӣ дар маҷаллаҳои дохили ҷумҳурӣ ва хориҷи кишвар мебошад. Бо мукофотҳои соҳавии Аълочии тандурустии Ҷумҳурии Тоҷикистон ва Аълочии маорифи Чумҳурии Тоҷикистон қадрдонӣ гардидааст. Узви Ҳизби Халқии Демократии Тоҷикистон. Вакили Маҷлиси вакилони халқи ноҳияи Синои шаҳри Душанбе. Оиладор, соҳиби 6 фарзанд.

Аз моҳи майи соли 2015 то ҳол ба ҳайси директори Муассисаи давлатии таълимии «Коллеҷи тиббии ҷумҳуриявӣ» адои вазифа менамояд.


МУОВИНИ ДИРЕКТОР ОИД БА КОРҲОИ ТАЪЛИМӢ
ОДИЛЗОДА Исмоил Ёқубҷон

(тав. 17.01.1990). Хатмкардаи факултети тиббии ДДТТ ба номи Абӯалӣ ибни Сино (2014). Аз соли 2014 то 2015 дар Маркази тиббии шаҳрии №1 ба номи Ахмедов Карим дар бахши интернатура аз рӯи ихтисоси табиби “Бемориҳои дарунӣ” таҳсил намудааст. Аз соли 2015 то 2017 дар Донишкадаи такмили ихтисоси баъдидипломии кормандони тиббии Ҷумҳурии Тоҷикистон, дар кафедраи “Ревматология бо курси геронтология” дар бахши ординатураи клиникӣ таҳсил намуд. Аз соли 2015 то соли 2017 ба ҳайси омӯзгори ҳамкор дар кафедраи “Терапия” – и МДТ “Коллеҷи тиббии ҷумҳуриявӣ” фаъолият намуд. Аз моҳи марти соли 2017 то 2020 ба ҳайси декани факултети  рӯзонаи “Кори ҳамширагӣ” – и Муассисаи давлатии таълимии “Коллеҷи тиббии ҷумҳуриявӣ” фаъолият намуд. Аз соли 2017 дар кафедраи “Таълими асосҳои бемориҳои дарунӣ” ДДТТ ба номи А.И.Сино ба ҳайси  аспирант қабул гардида дар мавзӯи «Кардиоваскулярная патология при псориатическом артрите» тадқиқот бурда, айни замон кори илмӣ дар марҳилаи анҷомёбӣ қарор дорад. Аз моҳи августи соли 2020 то инҷониб ба ҳайси МУОВИНИ ДИРЕКТОР ОИД БА КОРҲОИ ТАЪЛИМИи Муассисаи давлатии таълимии “Коллеҷи тиббии ҷумҳуриявӣ” кору фаъолият дорад. Аълочии маориф ва илми Тоҷикистон  (2020).

Муаллифи 9 мақолаҳои илмӣ ва 2 китоби таълимӣ. Қавигардонии солимии аҳолӣ – дастурамали таълимӣ (ҳаммуалиф). Душанбе, 2016. Псориатический артрит: этиопатогенетические аспекты, клиническая картина, диагностика, спектр и частота встречаемости кардиоваскулярных нарушений — современное состояние проблемы. Душанбе, 2019. Сравнительный анализ и оценка распространенности традиционных факторов риска развития сердечно-сосудистых осложнений и состояния липидного спектра крови у пациентов с ревматоидным и псориатическим артритом. Душанбе, 2019. Комплексный подход к оценке состояния кардиоваскулярной системы у больных псориатическим артритом. Душанбе, 2019. Лечение тяжелых форм псориаза. Душанбе, 2019. Состояние сердечно сосудистой системы у пациентов с Псориатическим артритом (ПСА). Москва, 2019.


МУОВИНИ ДИРЕКТОР ОИД БА КОРҲОИ ТАРБИЯВӢ
САИДОВА Мавҷуда Мирзошарифовна

(тав. 9.7.1972, ш. Душанбе), муҳандис-технолог. Хатмкардаи Донишгоҳи техникии Тоҷикистон (1994). Фаъолияти кории худро соли 1994 дар Комбинати равғани шаҳри Душанбе ба ҳайси муҳандис-технолог оғоз намуда, тӯли 16 сол дар ин вазифа фаъолият намудааст. Баъдан мутахас сиси шуъбаи кадрҳо (2010‒13), сардори шуъбаи коргузорӣ, назорат ва корҳои махсус (2013‒14), мутахассиси шуъбаи кадрҳои Вазорати тандуру стӣ ва ҳифзи иҷтимоии аҳолии Ҷумҳурии Тоҷикистон (2014‒15) буд. Аз моҳи майи соли 2015 ба ҳайси муовини директор оид ба корҳои тарбиявии Муассисаи давлатии таълимии Коллеҷи тиббии ҷумҳуриявӣ кору фаъолият дорад. Бо ифтихорномаи Вазорати тандурустии Ҷумҳурии Тоҷикистон қадрдонӣ шудааст (2013).


МУОВИНИ ДИРЕКТОР ОИД БА ТАЪЛИМИ-АМАЛӢ
МИРЗОЕВ Асламхон Давлатович

(тав.  25.03.1971, ноҳияи  Ҳамадонӣ).  Аълочии тандурустии Ҷумҳурии Тоҷикистон (2017).  Хатмкардаи факултети муолиҷавии Донишгоҳи давлатии тиббии Тоҷикистон ба номи Абӯалӣ ибни Сино (1999).  Аспиранти кафедраи “Таълими асосњои беморињои дарунї” ДДТТ ба номи Абӯалӣ ибни Сино (2019) Аз соли 1999 то 2000 дар Донишкадаи такмили ихтисоси баъдидипломӣ кормандони тиббӣ Тоҷикистон дар бахши интернатура аз рӯи ихтисосӣ “Эҳё ва беҳискукнӣ” таҳсил намудааст. Аз соли 2001 то соли 2008 ба ҳайси омӯзгор дар кафедраи “Асосҳои кори ҳамширагӣ” Муассисаи давлатии таълимии  “Коллеҷи тибби ҷумҳуриявӣ” фаъолият намудааст.  Аз соли 2008 то соли 2019  декани факултети  “Кори фарматсевтӣ”-и  Муассисаи давлатии таълимии  “Коллеҷи тиббии ҷумҳуриявӣ ”  фаъолият намудааст. Аз моҳи феврали соли 2019 муовини директор оид ба таълими-амалии  Муассисаи давлатии таълимии “Коллеҷи тиббии ҷумҳуриявӣ” фаъолият намуда истодааст.


МУОВИНИ ДИРЕКТОР ОИД БА
КОРҲОИ ИЛМӢ – МЕТОДӢ,

ИНОВАТСИЯ ВА РОБИТАҲОИ БАЙНАЛМИЛЛАЛӢ
МУМИНЗОДА Ҷумахон Саидюсуф

тав. 1962), номзади илмҳои тиб (2006). Хатмкардаи Институти давлатии тиббии ба номи Абуалӣ ибни Сино (ДДТТ 1985). Баъди таҳсил дар интернатура бо ихтисоси духтури бемориҳои сироятӣ (1985–86) фаъолияташро дар Омӯзишгоҳи тиббии ш. Душанбе (ҳозира Коллеҷи тиббии ҷумҳуриявӣ) идома дода, сараввал омӯзгор буд, сипас дар вазифаҳои: Раиси иттифоқи касабаи донишҷуён (солҳои 1987 — 2005) мудири шуъбаи кори ҳамширагӣ, услубшиноси шуъбаи таълимӣ методӣ, мудири шуъбаҳои кори умумитиббӣ, кори ҳамширагӣ, кори лабораторӣ, беҳдошт, санитария ва эпидемиология, мудири кафедраи фанҳои тиббӣ биологӣ,(2006 -2009сс.) муовини директори Коллеҷи тиббии ҷумҳуриявӣ оид ба таълими амалӣ ва таҷрибаомӯзӣ коркардааст (1986–2014). Аз моҳи августи соли 2014 то моҳи августи 2018 дар вазифаи директори Коллеҷи ғайридавлатии ноҳияи Рӯдакӣ кор кардааст. Аз моҳи августи соли 2018 то моҳи январи соли 2020 ба ҳайси Сардори шуъбаи илмӣ – методии Коллеҷи тиббии ҷумҳуриявӣ адои вазифа намудааст. Аз январи соли 2020 инҷониб дар вазифаи муовини директори Коллеҷи тиббии ҷумҳуриявӣ оид корҳои илмӣ – методӣ, иноватсия ва робитаҳои байналмиллалӣ кор намуда истодааст. Ҳамчунин дар Беморхонаи клиникии бемориҳои сироятии ш. Душанбе ба ҳайси духтури муолиҷавӣ (1986–1994) фаъолият дошт. Оид ба бемории вараҷа, зардпарвин, бемориҳои сироятӣ ва парастории онҳо ва беморони гирифтори Ҳеликобактериоз пажӯҳиш анҷом додааст.Муаллифи беш аз 32 таълифот. Аз ҷумла китобҳои дарсии Бемориҳои сироятӣ ва парастории беморон»,«Бемориҳои сироятии бачагона ва парастории беморон» (ҳаммуаллиф), «Маҷмӯи лексияҳо оиди физикаи тиббӣ-биологӣ», «Маҷмӯи лексияҳо оиди микробиология ва асосҳои вогиришиносӣ», «Маҷмӯи лексияҳо оид ба биология ва асосҳои генетикаи тиббӣ»,«Маҷмӯи лексияҳо оид ба асосҳои экология» ва ғ. «Аълочии тандурустии Тоҷикистон» (1995), «Аълочии маорифи Тоҷикистон» (2004).


МУОВИНИ ДИРЕКТОР ОИД БА КОРҲОИ
МАЪМУРӢ  ВА ХОҶАГӢ

МАМУРЗОДА Диловар Мамур

(тав. 12.8.1987, ш. Истаравшан), иқтисоддон. Хатмкардаи факултаи молия ва андозбандии Донишкадаи молия ва иқтисоди Тоҷикистон (2015). Фаъолияти кориашро аз соҳибкорӣ оғоз намудааст. Аз моҳи майи соли 2015 ба ҳайси му-дири бахши хоҷагии Коллеҷи тиббии ҷумҳуриявӣ кору фаъолият дорад. Аз соли 2015 МУОВИНИ ДИРЕКТОР ОИД БА КОРҲОИ МАЪМУРӢ  ВА ХОҶАГӢ Муассисаи давлатии таълимии “Коллеҷи тиббии ҷумҳуриявӣ ” фаъолият мекунад.