Таърихи радио аз корҳои физики англис Майкл Фарадей ва Чеймс Максвелл ибтидо мегирад. Мавҷҳои электоромагнитии радиодиапазонро аввалин маротиба олими олмонӣ Генрих Гертс солхои 1886-89 кашф карда буд. Олими рус Александр Попов аз таҷрибаи Генрих Гертс истифода бурда, 7-уми майи соли 1895-ум дар шуъбаи физикаи Ҷамъияти физикаю химияи рус кори радиостансияи кабулкунандаро намоиш дод. ӯ соли 1896-ум дар масофаи 250 метр бе сим радиосигнал фиристод, баҳори соли 1897-ум дурии радиоалоқаро ба 600 метр расонид. Тирамоҳи ҳамон сол ба 5 киломер ва нимаи соли 1901-ум радиоалоқаро ба 150 километр расонид.
Нахустин радиостансияҳои ирсол ва қабул, ки дар давраи аввалини инкишофи радио бунёд гардида буданд, бо мавҷҳои кӯтох ё зудхомӯшшаванда бо радио кор мекарданд. Ба туфайли гузаштан ба истифодаи мавҷҳои нисбатан дароз ва афзудани иқтидори таҷҳизоти мавҷгир, яъне антенна масофаи радиоалоқа тадриҷан зиёд шуд.
Нахустин гуфторҳои радиои солҳои 1919-ум дар радиолабараторияи Нижний Новгород ба таври санҷишӣ шунавонида шуд. Дар Маскав аз соли 1924-ум сар карда барномаҳои радио ҳамарӯза садо медод.
Соли 1925-ум бо ёрии мошини индуктории баландбасомад байни Маскав ва Ню-Йорк радиоалоқа баркарор гардид.
Дар соли 1927 хадамоти тиҷоратии радиотелефония, ки Амрикои Шимолӣ ва Аврупоро бо ҳам мепайвандад, кушода шуд.
Дар Тоҷикистон 10-уми апрели соли 1930-юм радиои тоҷик ба кор шурӯъ кард ва ду рӯз баъд мунтазам аз соати 7-и субҳ то соати 22-и бегоҳ аз тариқи радио сӯҳбат ва лектсияҳо шунавонида шудаанд.
Эдвин Ховард Армстронг дар соли 1933 радиои басомади модулӣ ё FM ихтироъ кард. FM сигнали аудиоии радиоро тавассути назорати садои статикӣ, ки аз таҷҳизоти барқӣ ва атмосфераи замин ба вуҷуд омадааст, беҳтар намуд. Соли 1935 аввалин занги телефонӣ дар саросари ҷаҳон бо истифода аз занҷирҳои сим ва радио гузаронида шуд.
То соли 1936 бояд тамоми алоқаи телефонии трансатлантикии Амрико тавассути Англия гузаронида мешуд. Он сол ба Париж як занҷири мустақими радиотелефон кушода шуд.Дар соли 1965, аввалин системаи антеннаи Master FM дар ҷаҳон, ки бо мақсади пахши ҳамзамони стансияҳои FM аз як манбаъ пешбинӣ шуда буд, дар Empire State Building дар шаҳри Ню Йорк сохта шуд.
Бояд гуфт, ки пас аз ба вуҷуд омадани мавҷҳои радиои дастгоҳи мавҷқабулкунак ё радиоприёмник ба вуҷуд омад. Дар аввал дастгоҳҳо хеле калонҳанҷм буданд. Мардум дар хонаҳои худ мегузоштанду барномаҳоро гуш мекарданд. Имруз бо баробари пеш рафтани техналогия дастгоҳҳои радиоӣ низ хурдҳаҷм шудаанд. Дар бозору мағозаҳо дастгоҳҳои хурди родиоӣ ҳаст, ки тариқи он метавон аз хабарҳо огоҳ шуд. Ҳатто аз телефонҳо ҳам метавон барномаҳои ин ё он радиоро гуш кард.
Ҳангоми харидорӣ кардани дастгоҳҳои радио бояд ба баъзе ҷиҳатҳотаваҷҷӯх намоед, масалан, бояд ба тамғаи дастгоҳ этибор диҳед. Агар тамға надошта бошад, ин моли қалбакӣ аст ва дастгоҳ зуд вайрон мешавад. Дастгоҳи босифатро зуд пай бурдан мумкин аст. Он тамғаи истеҳсол дорад, тугмачаҳои пахшаш мустаҳкаманду намуди зоҳириаш низ аз дигар дастгоҳҳои пастсифат фарқ мекунад. Агар таҷҳизот аз мӯхлати кафолати додашуда зудтар вайрон шуда метавонед, ба фурӯшандаи радио дастгоҳро баред ва маблағи худро гиред, ё ба дигар дастгоҳи родио иваз намоед. Бо ин амал Шумо ҳукуқҳои истеъмолкунандагии худро ҳимоя менамоед.
