Президент масъули пешбурди сиёсати дохилӣ ва хориҷии давлат мебошад ва барномаҳои стратегӣ барои тараққиёти миллатро таҳия ва иҷро мекунад. Президент ҳамчунин рамзи ваҳдат ва муттаҳидии миллӣ ба ҳисоб меравад ва ба манфиати мардум ва кишвар кӯшиш мекунад.
Дар бисёр кишварҳо президент тавассути интихоботи умумӣ ва шаффоф интихоб мегардад, ки ин ба ӯ эътимоди мардумро таъмин менамояд. Президент бо дигар мақомоти давлатӣ ҳамкорӣ мекунад ва дар асоси қонун амал мекунад, то тавозуни қудрат ва самараи ҳукуматдории кишварро нигоҳ дорад.
Инчунин, президент дар муаррифии кишвар дар арсаи байналмилалӣ нақши муҳим мебозад. Ӯ бо роҳбарони дигар кишварҳо ва ташкилотҳои ҷаҳонӣ мулоқот мекунад, то муносибатҳои дипломатӣ ва иқтисодиро рушд диҳад.Президенти Ҷумҳурии Тоҷикистон Эмомалӣ Раҳмон аст, ки ин вазифаро аз соли 1994 инҷониб бар уҳда дорад. Эмомалӣ Раҳмон дар барқарор намудани сулҳу субот пас аз ҷанги шаҳрвандӣ (1992-1997) нақши муҳим бозид ва барои рушди иқтисодӣ, иҷтимоӣ ва фарҳангии кишвар саъй намуд. Ӯ ба унвони “Асосгузори сулҳу ваҳдати миллӣ – Пешвои миллат” эътироф шудааст ва дар ин мақом ҳамчун рамзи ваҳдат ва суботи миллӣ шинохта мешавад.
Дар замони роҳбарии Эмомалӣ Раҳмон, Тоҷикистон ба як қатор дастовардҳо дар соҳаҳои гуногун, аз ҷумла энергетика, инфрасохтор ва таъмини амният ноил гардид. Ҳамчунин, Эмомалӣ Раҳмон ба рушди ҳамкориҳои хориҷӣ ва густариши муносибат бо кишварҳои дигар таваҷҷуҳи зиёд медиҳад.
Дар даврони роҳбарии ӯ сиёсати хориҷии Тоҷикистон ба таҳкими дӯстӣ бо ҳамсоя кишварҳо ва ҳамгироӣ дар доираи созмонҳои минтақавӣ, аз ҷумла Созмони ҳамкории Шанхай ва ИДМ (Иттиҳоди Давлатҳои Мустақил), равона гардидааст.Имрӯз мардуми шарифи Тоҷикистон хуб эҳсос мекунанд, ки Пешвои миллат, сарфи назар аз ҳамаи мушкилоту монеаҳои мавҷуда, тамоми захираву имкониятҳоро барои беҳбуд бахшидани сатҳу сифати зиндагии аҳолӣ сафарбар менамоянд.Бигзор, хуршеди озодиву истиқлолият ба хонадони ҳар фарди кишвари маҳбубамон Тоҷикистон то абад файзу баракат ва нуру зиё бахшад!

Олимзода Маҳбуба Олим – омӯзгори кафедраи технологияи дорусозӣ, ташкил ва иқтисоди фарматсия.