Муҳтарам омӯзгорон, кормандон ва донишҷӯён!
Собиқадорони азизи Ҷанги Бузурги Ватанӣ!
Ин рӯзи муқаддас, 9-уми май, ҳамчун рамзи қаҳрамонии бузург, ҷасорат, мардонагӣ, ватандӯстии бемисл ва ҷасорати одамоне, ки барои барқарорсозии адолат ва сулҳ дар рӯи замин ҷоннисориҳо намуданд, дар қалбу ҷони мо нигоҳ дошта мешавад.
Ҳеҷ кас ва ҳеҷ чиз фаромӯш нашудааст!
Бояд қайд намуд, ки дар ин ҷанги хонумонсӯз аз кишвари азизи мо зиёда аз 290 ҳазор одам ба фронт равон карда шуд, ки 253 957 нафарашон дар ҷанг ширкат варзида 45 ҳазор одам ба корхонаҳои ҳарбӣ сафарбар карда шудаанд. Тамоми саноат ва истеҳсолоти кишвар барои таъмини фронт равона карда шуд. Мардуми кишвар тамоми ороишоти заррин ва қисмати маошҳои худро барои харидорӣ намудани лавозимоти ҷангӣ ба фронт равона мекарданд.
Таъзим ба қаҳрамонони ҷанг, ки бо далерию матонат ва бар ивази ҷони худ барои осмони соф ва беҳбудии Ватан мубориза бурдаанд. Миннатдории самимӣ ба меҳнаткашони фронт, ки ангуштони худро ба хун шикаста ва қомати худро дар саҳроҳои гарм ва офтобрӯяи Ватан рост накарда, бо меҳнати худ ин рӯзи фараҳбахш ва муқаддасро барои ҳамаи мо наздик намуданд. Эҳтиром ва сипосгузории амиқ ба фарзандони он солҳои оташин, ки падарон ва модарони худро аз даст доданд, дар синни барвақтӣ талафотро медонистанд, аммо бо вуҷуди ин, шикаст нахӯрда наҷот ёфтанд, барои ояндаи осоишта фаъолият намуданд.
Ҳамаи ин амалҳои мардуми азизи кишварамон собит менамоянд, ки саҳми Тоҷикистон ва тоҷикистониён дар Ҷанги Бузурги Ватанӣ ва хусусан дар ин ғалаба беандоза аст. Далерию матонати Шумо барои ҳамаи мо, махсусан барои ҷавонони мо ибрат аст.
Бо шарофати ҳамаи Шумо, 9 май то абад рӯзи тантанаи миллии мо боқӣ хоҳад монд. Ин ид рамзи қудрат ва мағлубнопазирии Ватани мо ба шумор меравад.
Шаъну шараф ва хотираи абадӣ ба қаҳрамонони ҳалокшуда.
Дар ин рӯзи фархунда аз самими қалб ба ҳама хушбахтӣ, саломатии бардавом, сулҳ ва шукуфоиро таманно дорам! Ғалаба ва хотираи он ҳамеша дар дили мо хоҳад буд. Ид муборак!

Ашуриён Шаҳло Сайфуллозода