Санаи 28 марти соли 2022 дар бинои асосии МДТ “Коллеҷи тиббии ҷумҳуриявӣ” давраи дуввуми Олимпиадаи байналмилалии “Ёрии таъҷилӣ” ба анҷом расид. Комиссияи босалоҳият аз 3 нафар донишҷӯёни беҳтарин, Носиров Абдурасул, донишҷӯи бахши 4-уми факултети “Кори табобатӣ”-ро барои иштирок дар давраи ниҳоии Олимпиада интихоб намуданд. Давраи 3-юм ва ниҳоии Олимпиада, санаи 30 марти соли ҷорӣ, соати 14:00, тариқи барномаи “Zoom”, онлайн баргузор хоҳад шуд. Қайд кардан лозим аст, ки барои иштирок дар давраи ниҳоӣ, кумитаи ташкилии Олимпиада корҳои иҷронамудаи ҳар як иштирокчиро (Эссе ва Презентатсия) санҷида, барои иштироки минбаъда розигии худро медиҳад. Корҳои иҷронамудаи иштирокчӣ Носиров Абдурасулро муовини директор оид ба корҳои илм, инноватсия ва робитаҳои байналмилалӣ Муминзода Ҷ.С. бо ҳамроҳии иштирокчӣ тариқи онлайн ба кумитаи ташкилии Олимпиада пешниҳод намуданд. Натиҷаи санҷиш санаи 29 март муайян мегардад.