Дирӯз, яъне санаи 8 ноябри соли 2023 бо дастуру супориши роҳбари МДТ “Коллеҷи тиббии ҷумҳуриявӣ” н.и.т. Ашуриён Шаҳло Сайфуллозода, ҷиҳати гузаронидани санҷиши мунтазами фаъолияти кафедраҳои тахассусии коллеҷ аз ҳисоби мутахассисони баландихтисоси муассиса гурӯҳи корӣ ташкил карда шуд. Ба ин гурӯҳ муовини директор оид ба корҳои таълим н.и.т. Одилзода И.Ё., муовини директор оид ба таълими амалӣ н.и.т. Давлатзода А.Д., сардори шуъбаи таълим Аслонова З.А. ва кормандони шуъбаи назорати сифати таҳсилот шомил буданд.

Ин чорабинии муҳим барои таъмини сатҳи баланди таълим ва нигоҳ доштани сифат дар муассисаи таълимии мо нигаронида шудааст. Тибқи ҷадвал кафедраҳои “Терапия”, “Ҷарроҳия” ва “Акушерӣ” зимни санҷиш қарор гирифтанд. Дар раванди санҷиш ба ҳуҷҷатнигории омӯзгорон, маводҳои таълимӣ, пешрафт ва давомоти донишҷӯён диққати хос дода шуд. Ҳамзамон ба омӯзгорон ҷиҳати беҳтарсозии раванди таълим тавсияҳо дода шуданд.

Лозим ба ёдоварист, ки саҳми роҳбар дар пешрафти муассисаи таълимии мо назаррас аст. Директори муассиса шахси илҳомбахшест, ки дар назди худ ҳадафҳои баланд гузошта, барои расидан ба онҳо мекӯшад. Ба шарофати роҳбарӣ ва дастгирии ӯ коллеҷи мо ба яке аз муассисаҳои пешқадами тиббии пойтахт табдил ёфтааст.

Директор дар таҳия ва татбиқи барномаҳои инноватсионии таълим фаъолона ширкат намуда, бо коршиносони пешбари соҳаи тиб ва маориф ҳамкорӣ карда, инчунин кафолат медиҳанд, ки муҳити мусоиди таълимӣ фароҳам оварда шавад ва дар он донишҷӯён тавонанд инкишоф ва ба потенсиали худ ноил гарданд.

Ба шарофати нерӯ ва азми директори мо, коллеҷ ҳам дар дохил ва ҳам берун аз он эътироф ва эҳтиром пайдо кардааст. Бинишҳои стратегӣ ва қобилияти ҷалби омӯзгорон ва донишҷӯёни боистеъдод ба фароҳам овардани муҳити беназири таълимӣ кӯмак менамояд.

Иттилооти ҷамъоварда ва дар маҷмӯъ натиҷаи фаъолияти гурӯҳи корӣ, барои боз ҳам беҳтар намудани ҷараёни таълиму тарбия дар муассисаи таълимӣ истифода бурда хоҳанд шуд. Ин боз як қадам ба пеш, дар роҳи расидан ба ҳадафҳои мо ва таъмини таҳсилоти босифат барои ҳамаи донишҷӯён аст.

Пеш 1 то 18 саҳифа Баъдӣ