Забон дар даҳон, эй хирадманд, чист?
Калиди дари ганҷи соҳибҳунар.
Забон воситаи муҳимтарини алоқа байни одамон мебошад. Ҷомеа ва забон дар як вақт пайдо шуда, пайдоиши ҳар ду ба меҳнат вобаста аст. Забон хоси инсон буда, яке аз нишонаҳои асосии миллат, яъне оинаи фарҳанги халқ аст. Инсон метавонад фикри худро бо роҳҳои гуногун (имову ишора, рафтор, ранг, садо) ифода кунад, аммо забони зинда аз ҳастии ин ё он миллат дарак медиҳад. Ҳамин тавр, вобаста ба рушди ҷомеа, забонҳо низ инкишоф ёфта, ба дараҷаи миллӣ расидаанд.
Забонам ҳасту ман ҳам зинда ҳастам,
Забони ман нишони миллати ман.
Забони тоҷикӣ яке аз забонҳои бостонӣ ва соҳибхатти олам буда, се марҳилаи тӯлонии инкишофро аз сар гузаронидааст:
-
Забони форсии қадим.
-
Забони форсии миёна.
-
Забони форсии нав.
Зиёда аз 1000 сол аст, ки халқи тоҷик бо забони шевои тоҷикӣ гуфтугӯ карда, фарҳанги беназири худро чун хатти сабз аз як китоб ба китоби дигари таърих сабт мекунад.
Президенти кишвар, Ҷаноби олӣ, Пешвои муаззами миллат муҳтарам Эмомалӣ Раҳмон дар бораи манзалати забони модарӣ чунин гуфтааст: “Миллате, ки арзишҳои миллии худро қадр карда наметавонад, қимат ва манзалати забони миллатҳои дигарро низ эътироф намекунад.”
Оре, ҳастии ҳар як халқу миллат ба забони ӯ вобаста аст. Ҳар як шаҳрванди миллат вазифадор аст, ки забони модарии хешро гиромӣ дорад. Илова бар ин, лозим аст, ки ба забони модарии худ садоқат ва муҳаббати бепоён дошта бошад, зеро эҳёи забон пурарзиштарин мероси мо ба наслҳои оянда хоҳад буд.
Бо ҳамин мақсад, мувофиқи нақшаи чорабиниҳои МДТ “Коллеҷи тиббии ҷумҳуриявӣ” ва дар асоси нақшаи чорабиниҳои “Кумита оид ба таҳсилоти ибтидоӣ ва миёнаи касбӣ назди Ҳукумати Ҷумҳурии Тоҷикистон” барои татбиқи қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” ва бо дастуру супоришҳои директори МДТ “Коллеҷи тиббии ҷумҳуриявӣ”, номзади илмҳои тиб Ашуриён Шаҳло Сайфуллозода, санаи 25.09.2024 дар кафедраи “Тибби оилавӣ” чорабиние бахшида ба “Рӯзи забони давлатии Ҷумҳурии Тоҷикистон” баргузор гардид. Дар чорабинии мазкур сардори шуъбаи идоракунии сифати таҳсилот Сафаров А., сармутахассиси ҳамин шуъба Мазабова Н.Н., мутахассиси шуъба Зайдуллоева З. ва декани факултети “Кори табобатӣ” Сафаров Х.С. ҳамчунин донишҷӯёни факултети “Кори табобатӣ” иштирок доштанд.
Пеш
1 то 9 саҳифа
Баъдӣ
