Санаи 30 – уми декабри соли 2021 дар толори илмӣ-фарҳангии Муассисаи давлатии таълимии “Коллеҷи тиббии ҷумҳуриявӣ” Шӯрои директорони муассисаҳои давлатии таълимии коллеҷҳои тиббӣ баргузор гардид. Дар Шӯро директорони 15 коллеҷҳо ширкат варзида оид ба дастовардҳои соли сипаригашта маълумоти муфассал доданд. Раисони Шӯро сардори раёсати таҳсилоти тиббию фарматсевтӣ, сиёсати кадрӣ ва илми Вазорати тандурустӣ ва ҳифзи иҷтимоии аҳолии Ҷумҳурии Тоҷикистон д.и.т., профессор, академики Академияи илмҳои Ҷумҳурии Тоҷикистон Юсуфи С.Ҷ., ва директори МДТ “Коллеҷи тиббии ҷумҳуриявӣ” номзади илмҳои тиб Ашуриён Ш.С.

Дар давоми Шӯро директори МДТ “Коллеҷи тиббии ҷумҳуриявӣ” н.и.т. Ашуриён Ш.С. низ бо ҳисоботи хеш баромад намуда оид ба дастовардҳои Муассиса дар даврони истиқлолияти давлатии Ҷумҳурии Тоҷикистон маълумоти муфассал дода, иброз доштанд, ки бо дарназардошти вазъияти душвори эпидемиологӣ Коллеҷ тавонист сарбории ба зиммааш гузошта шударо пурра иҷро намояд ва ҳатто ба дастовардҳои назаррас комёб гардад.

Зимни нишаст д.и.т., профессор Юсуфӣ С.Ҷ. баҳри беҳтарсозии раванди таълим ва баландбардории сифати донишандӯзии донишҷӯён, инчунин барои татбиқи амалии дастуру супоришҳои Пешвои муаззами миллат, ки дар Паём дарҷ шуда буданд ба баромадкунандагон тавсияҳои мушаххас ва дастуру супоришҳои қатъӣ доданд.

Раёсати МДТ “Коллеҷи тиббии ҷумҳуриявӣ”

Пеш 1 то 6 саҳифа Баъдӣ