Санаи 14.04.2022 с. дар маҷлисгоҳи бинои 2юми таълимӣ вобаста сафарбарнамудани донишҷӯёни хатмкунанда ба таҷрибаомӯзии қаблидипломӣ бо иштироки Давлатзода А.Д. муовини директор оид ба таълими амалӣ, Ризоев Ҳ.Р. мудири Шӯъбаи таълими амалӣ ва теъдоди зиёди донишҷӯёни факултети “Кори ҳамширагӣ” вохӯрии судманд баргузор карда шуд.

Сараввал Давлатзода А.Д. муовини директор оид ба таълими амалӣ, оиди тартиби баргузории таҷрибаомӯзӣ баромад намуда донишҷӯёнро бо тамоми тартиботу қоидаҳои ҷойдошта ба мисли аз кадом сана то кадом сана гузаштани таҷрибаомӯзӣ шинос намуданд. Ҳамчунин иловатан аз тамоми ҳозирин даъват ба амал оварда шуд, ки дар давоми таҷрибаомӯзӣ хислатҳои ҳамидаи инсониро риоя намуда аз худ тарбияи воло нишон диҳанд ва истифодаи муомилаи некро дар мадди авал гузошта сарфи тамоми нерӯи зеҳниву таҷрибавиро ба роҳ монанд. Чун аввалин шакли табобат ин сухани хуб ва баъдан донишу малакаи сатҳи зарурӣ мебошад.

Пеш 1 то 5 саҳифа Баъдӣ