Имрӯз 06.05.2022с. тибқи нақша-чорабиниҳои қисми тарбия аз тарафи кафедраи “Тарбияи ҷисмонӣ” ҷамъомади пагоҳирузӣ гузаронида шуд.

Сараввал Хоҷаев Фаррух омӯзгори кафедра доир ба манфиатҳои варзиш маълумот дода, сипас донишҷӯёни баромадкунанда оиди истифодаи нодурусти телефонҳои мобилӣ ва зарари он ба саломатии инсон маъруза намуданд.

Сипас намояндаи Шуъбаи ташкилӣ-тарбиявӣ ва кор бо ҷавонон оиди моддаи 8 (Ӯҳдадориҳои падару модар дар тарбияи фарзанд)-и Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” банди бо худ наовардан ва истифода набурдани телефонҳои мобилӣ дар раванди таълим маъруза намуда ҳозиринро барои риояи қатъии талаботҳои зикршуда ҳидоят намуданд.

Дар воқеъ ҳама гуна қарору қонунҳое, ки аз ҷониби мақоми қонунбарор қабул карда мешаванд ба манфиати тамоми табақаи ҷомеа буда риоя ва ҳифзи он вазифаи ҳар як шаҳрванд мебошад.

Баъд аз маърӯзаҳо ҳозирин суруди миллиро хонда ба машғулиятҳо сафарбар шудаанд.

Пеш 1 то 4 саҳифа Баъдӣ