Муассисаи давлатии таълимии "Коллеҷи тиббии ҷумҳуриявӣ"

НАҚШИ ҶАВОНОН ДАР РУШДИ ИЛМУ МАОРИФИ КИШВАР

23-юми майи соли ҷорӣ бо ташаббуси Вазорати маориф ва илми Ҷумҳурии Тоҷикистон дар толори Донишгоҳи миллии Тоҷикистон бахшида ба Рӯзи ҷавонон конференсияи ҷумҳуриявии илмӣ-назариявӣ дар мавзуи “Нақши ҷавонон дар рушди илму маорифи кишвар” доир гардид, ки дар он вазири маориф ва илми Ҷумҳурии Тоҷикистон Раҳим Саидзода, намояндаи Маҷлиси намояндагони Маҷлиси Олии Ҷумҳурии Тоҷикистон Гавҳар Шарофзода, муовини якуми вазири маориф ва илм Ҷамшед Ҷӯразода, муовини вазири маориф ва илм Зиёдулло Абдулзода, ректорони муассисаҳои таҳсилоти олии касбӣ, омӯзгорон ва донишҷӯёни муассисаҳои таълимӣ иштирок намуданд.

Нахуст, Р.Саидзода-вазири маориф ва илми ҷумҳурӣ оид ба дастовардҳои соҳаи маориф дар даврони соҳибистиқлолӣ суханронӣ намуда,

Сипас, Г.Шарофзода-намояндаи Маҷлиси намояндагони Маҷлиси Олии Ҷумҳурии Тоҷикистон вобаста ба саҳми Пешвои миллат дар пойдории давлатдорӣ ва дастгирии ҷавонон ибрози андеша намуданд.

Дар охири чорабинӣ як қатор омӯзгорони муассисаҳои таълимӣ аз ҷониби вазири маориф ва илми кишвар Раҳим Саидзода бо нишони “Аълочии маориф ва илми Тоҷикистон” ва «Ифтихорнома»-и Вазорати маориф ва илми Ҷумҳурии Тоҷикистон қадрдонӣ шуданд.

Аз МДТ «Коллеҷи тиббии ҷумҳуриявӣ» Шуҳрати Боғибек-мудири кафедраи тиббии ҳолатҳои фавқулодда, мудофиаи шаҳрвандӣ ва омодагии ибтидои ҳарбӣ,  бо “Ифтихорнома”-и Вазорати маориф ва илми Ҷумҳурии Тоҷикистон сарфароз гардонида шуд.

Муассисаи давлатии таълимии «Коллеҷи тиббии ҷумҳуриявӣ» дар татбиқи амалии сиёсати давлатии ҷавонон саҳмгузор аст. Зери роҳбарии  н.и.т. Ашуриён Шаҳло Сайфуллозода дар муассисаи таълимӣ ҷавонони зиёде кор ва фаъолият дошта, баҳри фаъолияти пурсамар ва содиқона мунтазам бо ифтихорномаю сипосномаҳои вазорату ташкилотҳот дахлдор қадрдонӣ карда мешаванд.

Шарҳ додан

Суроғаи почтаи электронии шумо нашр карда намешавад.