Муассисаи давлатии таълимии "Коллеҷи тиббии ҷумҳуриявӣ"

ГАР ДАСТИ ФИТОДАЕ БИГИРИ МАРДӢ …

Ҳамасола 3-юми декабр ҳамчун рӯзи байналмилалии одамони имконияташон маҳдуд дар тамоми ҷахон таҷлил мегардад. Бахшида ба ин сана як зумра чорабиниҳо гузаронида мешаванд. Ҷумҳурии Тоҷикистон ҳамчун шарики боэътимоди байналмилалӣ принсипҳои аз тарафи Созмони Миллали Муттаҳид таъсисшударо оиди баробарҳуқуқӣ, озодӣ ва дигар ҷиҳатҳои ҳимоякунандаи ҳуқуқи инсонро ҳамаҷониба дастгирӣ мекунад ва дар амал онро ба кор мебарад. Дар Қонуни ҶТ «Ҳифзи ичтимоии маъюбон» оиди таъмин ва дастгирии онҳо дар бахшҳои мухталифи ҷамъиятӣ, варзишӣ, таҳсилот, касбомӯзӣ фарҳангӣ, иқтисодӣ, инчунин таъмини саривақтӣ бо нафақа, идрорпулӣ, кумакҳои хайриявӣ дарҷ гардидааст. Рӯзи байналмилалии одамони имконияташон маҳдуд ҳамагонро оиди инсонҳое, ки ба кумак ва дастгирӣ ниёз доранд, хотирасон мекунад. Ҳамчунин онҳо вобаста аз ин дорои иродаи қавӣ ҳастанд ва дар фаъолияти касбии худ маҳорати баланди эҷодкорӣ нишон дода, бо ҳунарҳои худ дигаронро мафтун кардаанд. Ин рӯз барои ҷомеаи мо ниҳоят зарур аст — аввал барои он, ки инсонҳои солим аз проблемаҳои шахсони дорои имкониятҳои маҳдуддошта огоҳ мешаванд ва барои иродаи қавии фавқулода ва мақсадноки маъюбон, ки метавонад дар шароитҳои ниҳоят душвор ба муваффақиятҳои беназир метавонад ноил шаванд. Чунин маҳорати дуст доштани зиндагӣ ва зиндадилии онҳо барои дигарон метавонад дарси ибрат бошад.

Вобаста ба ин тибқи дастуру супоришҳои директори Муассиса н.и.т Ашуриён Ш. С. санаи 02.12.2022 сол аз тарафи кафедраи «Тавонбахши тибби ичтимоӣ бо курси шарқ» чорабинии иттилоотӣ —

маърифатиро дар бинои таълимии 2-юми муассиса баргузор намуданд. Лозим ба ёдоварист, ки дар чорабини ҳайати 13 нафар аъзоёни Ташкилоти ҷамъиятии «Ирода» (шахсони имконияташон маҳдуд) иштирок варзиданд ва аз ҷониби маъмурияти муассиса ба ҳар яки онҳо туҳфаҳои хотиравӣ ва миқдори муайяни маблағҳо супорида шуд.

Шарҳ додан

Суроғаи почтаи электронии шумо нашр карда намешавад.