Халқ офаранда, тарғибкунанда ва нигоҳдорандаи фарҳанги хеш буда, дар тӯли қарнҳо ин вазифаю масъулиятро иҷро карда, то замонҳои мо оварда расондааст.

Илм, маориф  ва фарҳанг яке аз муҳимтарин соҳаҳо ба шумор рафта, дар ташаккули маънавиёти ҷомеа нақши арзанда гузошта, болоравии ҷаҳонбинӣ, маданияти сиёсӣ, маърифати ҳуқуқӣ, худшиносии миллии мо аз  ин соҳаҳо сарчашма мегирад. Бинобар ин, ҳар як мушкилоти дар ҷомеа баамаломадаро лозим меояд, ки дар якҷоягӣ бо татбиқи сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳи ҳалашро дарёбем, то омили якдигарнофаҳмӣ миёни омма нагардад.

Воқеан шаъну шараф, ахлок тарбияи зан модар асоси пешрафти ҷомеа буда ояндаи миллат аз ҷавондухтароне, ки имрӯз илм меомузанду фардо модар мегарданд вобастагии калон дорад.

Вале имрӯзҳо мебинем, ки баъзе ҷавонон тақлид ба сару либос ва намуди зоҳирии  ба фарҳанги миллии тоҷикӣ бегона (бо сатру ҳиҷоб, шими ҷинс, красовкӣ, мӯи сари баланду риши дамида, бе лавозимоти дарсӣ) ба машғулиятҳо ҳозир мешаванд, ки ин ба фарҳанги чандинҳазорсолаи мо тоҷикон таъсири манфӣ мерасонад.

Бо ҳамин мақсад давоми моҳи феврал муовини директор оид ба корҳои тарбиявӣ Саидова М. М. дар якҷоягӣ бо кормандони Шуъбаи ташкилӣ-тарбиявӣ ва кор бо ҷавонон, масъалаи зеринро зери назорати қатъӣ гирифта пайваста корҳои тарғиботиву ташвиқотӣ, фаҳмондадиҳӣ ва рейду санҷишҳо  ташкил намуданд.

Баъд аз гузаронидани санҷишҳо муовини директор оид ба корҳои тарбиявӣ Саидова М. М. бо деканони факултетҳо ҷаласа гузаронида, оиди масъалаи дар боло зикргардида супоришҳои мушаххас доданд.

Пеш 1 то 7 саҳифа Баъдӣ