Бо мақсади тарғиби ташаккули тарзи ҳаёти солим ва таҷлили сазовори “Иди касбии кормандони тибби Ҷумҳурии Тоҷикистон” ҳамасола аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мусобиқаҳои варзишии гуногун, аз ҷумла футболи хурд, воллейбол ва тенниси рӯимизӣ ташкил ва баргузор карда мешавад. Дар ин мусобиқаҳо дастаҳои мунтахаб аз ҳисоби кормандони муассиса ва идораҳои мухталифи   Вазорати тандурустӣ ва ҳифзи иҷтимоии аҳолии Ҷумҳурии Тоҷикистон қувваозмоӣ менамоянд.

Мусобиқаи футболи хурд миёни кормандони муассисаҳои тандурустӣ ва ҳифзи иҷтимоии аҳолӣ моҳи июни соли равон оғоз гардида сабқат миёни дастаҳо идома дорад. Макони баргузорӣ – майдончаи варзишии Маркази офиятбахшии (бинои 3) МДТ “Шаҳраки Шифобахш”.

Дастаи мунтахаби МДТ “Коллеҷи тиббии ҷумҳуриявӣ” низ бо дастуру супориши роҳбари муассиса, н.и.т. Ашуриён Шаҳло Сайфуллозода аз ҳисоби омӯзгорону кормандони муассиса ҷамъ оварда шуда, барои иштирок дар ин чорабинии варзишӣ сафарбар гардид.

Санаи 8 июли соли 2023 дастаи МДТ “Коллеҷи тиббии ҷумҳуриявӣ” бо дастаи мунтахаби Маркази тиббии шаҳрии №1 ба номи Ахмедов Карим қувваозмоӣ намуда, бар ҳисоби 2 бар 1 дастаи ҳарифро шикаст доданд. Бозӣ шавқовар гузашта, тамошобинонро ба ваҷд овард. Ҳар ду даста сатҳи баланди омодагӣ ва хоҳиши ғолиб шуданро нишон доданд. Бозингарон пур аз нерӯ ва азму ирода буданд, ки ин дар шиддати бозӣ ифода меёфт. Сарфи назар аз он, ки ҳисоб мусовӣ боқӣ монда буд, фазои варзишгоҳ ба ҳадди худ расид. Тамошобинон аслан дар канори курсиҳои худ овезон буданд ва мунтазири он лаҳзае буданд, ки даста пешрафт мекунад ва гол мезанад. Ҳар як ҳамла шодӣ ва кафкӯбиҳои бардавом ва ҳар як зарбаи ғалат оҳу ноумедиро ба бор овард.

Нихоят, дар охири қисми дуюм ба дастаи МДТ “Коллеҷи тиббии ҷумҳуриявӣ” муяссар шуд, ки ҳимояи ҳарифонро рахна карда, ба дарвозаи онҳо туб занад. Ин лаҳза шодии зиёдеро ба бор овард. Тамошобинон аз ҷойҳояшон бархоста, доду фарёд зада, каф мезаданд ва бозигарон бо ҳиссиёте, ки аз чеҳраи онҳо ба назар мерасид, ғалабаи худро қайд мекарданд.

Ҳамин тариқ, аз оғози мусобиқа то имрӯз дастаи мунтахаби МДТ “Коллеҷи тиббии ҷумҳуриявӣ” дар ҷамъ 3 бозӣ гузаронида дар дутои он ғолиб ва як бозиро ба ҳисоби мусовӣ ба анҷом расониданд.

Пеш 1 то 6 саҳифа Баъдӣ