Санаи 5 январи соли ҷорӣ дар девори МДТ “Коллеҷи тиббии ҷумҳуриявӣ” ҷаласаи навбатии Шӯрои олимон баргузор гардид, ки дар он ҳисоботи солонаи директори муассисаи таълимӣ ироа ва муҳокима карда шуд. Чорабинӣ шавқу рағбат, таваҷҷуҳ ва ваъдаи пешрафтҳои навро дар соҳаи маорифи тиб ҷамъ овард. Дар кори ҷаласа тамоми ҳайати коллектив, аз ҷумла муовинони директор, сардорони шуъбаҳо, деканони факултетҳо, мудирони кафедраҳо ва омӯзгорон ширкат варзиданд.

Директори коллеҷ н.и.т. Ашуриён Шаҳло Сайфуллозода, ки бо боварӣ ва ғайрат ба минбар баромад, дар бораи натиҷаҳои таъсирбахш ва марраҳое, ки коллектив дар соли таҳсили гузашта ба даст овардааст, нақл карданд. Дар байни дастовардҳои асосӣ, боло рафтани сифати таълим, рушди фаъоли базаи моддӣ техникӣ, тадқиқотӣ ва бомуваффақият ворид намудани технологияҳои нав ба раванди таълим қайд карда шуд.

Яке аз нуқтаҳои асосӣ пурзӯр намудани кори илмӣ-методӣ дар коллеҷ буд. Роҳбари муассиса афзудани нашри мақолаҳои устодону донишҷӯён дар маҷаллаҳои илмӣ, инчунин иштироки бомуваффақияти ҳайати коллективро дар конференсияҳои байналмилалӣ, чорабиниҳои дигари илмию сиёсӣ ва фарҳангӣ қайд намуданд. Гуфта шуд, ки ин на танҳо обрую эътибори муассисаро баланд мебардорад, балки барои илми тиб уфуқҳои нав мекушояд.

Дар маърӯза ҳамчунин таваҷҷуҳ ба афзоиши татбиқи технологияҳои муосири таълимӣ ҷалб карда шуд. Ҷорӣ намудани воқеияти виртуалӣ, платформаҳои омӯзиши интерактивӣ ва моделсозӣ ба донишҷӯён барои беҳтар азхуд кардани дониш ва инкишоф додани малакаҳо тавассути амалия кӯмак мекунад. Ин равиш ба мо имкон медиҳад, ки мутахассисони омода ба мушкилоти тибби муосир ба воя расонем. Барои ин кор дар давоми соли таҳсили гузашта як чанд мониторҳои интерактивии калонҳаҷм харидорӣ ва муҷаҳҳаз гардонида шуд.

Яке аз ҷанбаҳои муҳими баҳс рушди ҳамкориҳо бо муассисаҳо ва ташкилотҳои тиббӣ буд. Донишҷӯёни мо имкони таҷрибаомӯзиро дар беморхонаҳои пешқадам ва бонуфузи пойтахт доранд, ки ба онҳо имкон медиҳад, донишҳои назариявиро дар амал татбиқ намуда, таҷрибаи худро ғанӣ гардонанд.

Дар ҷаласа таъкид гардид, ки тамоми дастовардҳои коллеҷ ба шарофати меҳнати муттаҳидаи омӯзгорону донишҷӯён ва кормандони маъмурӣ имконпазир гардиданд. Директор нутқи худро бо суханони миннатдорӣ ба ҳамаи аъзоёни коллектив барои фидокорона ва садоқаташон ба дараҷаи баланди таълими тиббӣ анҷом доданд.

Маҷлиси Шурои олимон бо баҳсу мунозира ва саволу ҷавобҳои мушаххас, инчунин мубодилаи афкор анҷом ёфт. Ҳисоботи солонаи директор на танҳо сабти дастовардҳои қаблӣ, балки такони пурқуввате барои рушди ояндаи коллеҷи тиббии мо буд, зеро он барои расидан ба қуллаҳои нав дар соҳаи маориф ва илм талош дорад.

Пеш 1 то 18 саҳифа Баъдӣ