SONY DSC

Пеш 1 то 2 саҳифа Баъдӣ

Ҳамасола оиди самтҳои асосии сиёсати дохиливу хориҷии мамлакатамон Паёмҳои Пешвои миллат ба Маҷлиси Олӣ ва тамоми халқи кишварамон ироа мегардад. Паёми имсолаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон тамоми паҳлуҳои гуногуни ҳаёти сиёсиву иқтисодӣ, иҷтимоӣ ва дигар соҳаҳои ҳаёти кишварамонро барои имсол ва солҳои баъди фаро гирифта, таҳлил ва дастуру ҳидоятҳои дар он зикргардида, барои расидан ба ҳадафҳои минбаъдаи рушду инкишофи ҷомеа мусоидат менамоянд.

Аз ин рӯ, амалӣ намудани нуқтаҳои асосии Паём ва дастуру супоришҳои Сарвари давлат барои баланд бардоштани сатҳу сифати зиндагии сокинони мамлакат, таъмини сулҳу субот, ба роҳ мондани муносибатҳои нек  ва судманд ба кишварҳои ҳамсоя ва боло рафтани нуфузи Тоҷикистон дар арсаи байналмилалӣ мусоидат менамоянд.

Дар Паёми Пешвои миллат оиди рушди соҳаи тандурустии кишвар қайд гардид, ки “соҳаи тандурустӣ ва ҳифзи иҷтимоии аҳолӣ – самти афзалиятноки сиёсати давлати мо ба ҳисоб меравад. Дар ин самт Ҳукумати Ҷумҳурии Тоҷикистон ҷиҳати таъмин намудани солимии аҳолӣ ва баланд бардоштани сифати хизматрасониҳои тиббӣ сол то сол чораҳои заруриро амалӣ намуда истодааст.

Бояд қайд намуд, ки сиҳатии омма дар кишвари мо самти афзалиятноки сиёсати иҷтимоии давлатамон ба ҳисоб меравад. Пешвои миллат вобаста ба ин қайд намуданд, ки “дар кишвари соҳибистиқлоли мо саломатии мардум бойгарии давлат ва ҷузъи таркибии ҳадафҳои стратегии он дониста мешавад”.

Барои татбиқи ин дастуру ҳидоятҳо аз тарафи Давлату Ҳукумати Ҷумҳурии Тоҷикистон маблағгузории саривақтӣ ба ин соҳа, мунтазам зиёд гардида, вазъи таъмини муассисаҳои тиббии кишвар бо таҷҳизоти ҳозиразамон ва неруи корӣ сол то сол тибқи дастгириҳои Пешвои миллат беҳтар гардида истодааст.

Чуноне дар Паёми имсолаи Пешвои миллат қайд гардид дар соли 2023 низ барои соҳаи тандурустӣ 3,3 милиард сомонӣ ҷудо карда шудааст, ки дар муқоиса дар соли 2017-ум  2,3 баробар зиёд буда, 8,8% буҷети давлатиро ташкил медиҳад. Ҳоло дар соҳа татбиқи 15 стратегияву барномаҳои миллӣ идома доранд. Танҳо дар давоми соли 2023-юм 132 муассисаи кумаки аввалияи тиббию санитарӣ сохта ба истифода дода шудааст.

Бо мақсади боз ҳам баланд бардоштани сифат ва самаранолкии хизматрасониҳои кумаки аввалияи тиббию санитарӣ ва таҳкими иқтидори миллӣ барои вокуниш ба ҳолатҳои фавқулода дар соҳаи тандурустӣ лоиҳаи “Миллати солим”, ки маблағи умумии он беш аз 630 миллион сомонӣ мебошад, амалӣ шуда истодааст.

Илова ба ин, дар 5 соли оянда сохтмон ва таъмирӣ беш аз 350 муассисаи тандурустӣ ба маблағи зиёда аз 500 миллион сомонӣ пешбинӣ гардидааст.

Аз ҷониби ҳукумати мамлакат дар соли 2023 қабул гардидани Стратегияи рушди ҳифзи иҷтимоии аҳолӣ барои давраи то соли 2040 ва Барномаи маҷмӯии давлатии тайёр намудани кадрҳои низоми ҳифзи иҷтимоии аҳолӣ барои давраи то соли 2030 ба ҳалли мушкилоту масъалаҳои ҷойдоштаи ин самт мусоидат менамоянд.

Ҳамин тавр бояд қайд намуд, ки тибқи дастуру ҳидоятҳои Пешвои миллат ва таваҷҷуҳи хосаи Сарвари кишвар ва дастовардҳои соҳаи тандурустӣ ва ҳифзи иҷтимоии мамлакатамон гувоҳи онанд, ки соҳаи тандурустӣ ва ҳифзи сиҳатии омма дар меҳвари сиёсати Давлату Ҳукумати Ҷумҳурии Тоҷикистон, хусусан Пешвои миллат қарор дорад.  Дар баробари дигар сохтору мақомотҳои соҳаи тандурустӣ ва ҳифзи иҷтитимоии аҳолӣ, муассисаҳои таълимӣ, ки мутахассисони соҳаи мазкурро тайёр меукунанд, аз ҷумла Донишгоҳҳо ва Коллеҷҳо, хусусан дар тайёр кардани мутахассисони баландпояи миёнаи тиббӣ, нақши МДТ “Коллеҷи тиббии ҷумҳуриявӣ” назаррас мебошад.

Аз ин рӯ кормандони соҳа ва дигар сохтору муассисиҳое, ки барои ҳифзи саломатии аҳолӣ масъуланд зарур аст, дар фаъолияти минбаъдаи худ барои татбиқи дастуру ҳидоятҳои дар Паёми имсола қайдгадида фаъолияти худро боз ҳам ҷиддитар ба роҳ монанд. Зеро ҷомеаи солим асоси рушди бонизом ва устувори давлат аст.

Одинаев Ҳ.С., Аминов Б.У.,

омӯзгорони МДТ “Коллеҷи тиббии ҷумҳуриявӣ”