Пеш 1 то 2 саҳифа Баъдӣ

(Бардошт аз Паёми Президенти Ҷумҳурии Тоҷикистон  муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» аз 28.12.2023 с., шаҳри Душанбе)

Рушди илму маориф калиди пешрафти ҳамаи соҳаҳо ва омили муҳимтарини таъмин намудани ояндаи босуботи давлат ва фардои босаодати ҷомеа ба ҳисоб меравад.

Аз Паёми Президенти Ҷумҳурии Тоҷикистон муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ»

 аз 28.12.2023с, шаҳри Душанбе

Дар Паёми солонаи худ ба Маҷлиси Олӣ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баробари дигар соҳаҳои иҷтимоӣ, соҳаи маорифро ҳамчун соҳаи муҳим  ва калидӣ  мавриди таҳлилу баррасии дақиқ қарор доданд.

Пешвои миллат муҳтарам Эмомалӣ Раҳмон ҳангоми ироаи Паёми навбатӣ ба Маҷлиси Олии мамлакат зикр намуданд, ки: “Рушди сармояи инсонӣ омили калидии баланд бардоштани сатҳу сифат ва самаранокии соҳаҳои иҷтимоӣ, махсусан, маорифу тандурустӣ, илму инноватсия, инчунин, фаъолияти самараноки муассисаҳои илмӣ мебошад.

Дар навбати худ, рушди илму маориф калиди пешрафти ҳамаи соҳаҳо ва омили муҳимтарини таъмин намудани ояндаи босуботи давлат ва фардои босаодати ҷомеа ба ҳисоб меравад.”

Сарвари давлат бо такрор дар мавзӯи рушди соҳаи маориф ва сифати таълиму тарбия дар муассисаҳои таҳсилоти миёна ва олӣ сухан намуда, ҷиҳати ҳал ва бартараф намудани норасоӣ ва камбудиҳои соҳа супоришҳои мушаххас доданд.

Дар замони соҳибистиқлолӣ ба таври бесобиқа шумораи иншооти маориф ва мактабҳои сохти нав бунёд гардиданд, ки хонандагони аксари онҳо Тоҷикистонро дар озмунҳои байналмилалӣ ва ҷаҳонӣ муаррифӣ менамоянд.

Илова ба ин тадбирҳо Сарвари давлат қайд карданд, ки: “Агар дар соли 2023 шумораи хатмкунандагони муассисаҳои таҳсилоти умумии кишвар 103 ҳазор нафарро ташкил дода бошад, пас қабул ба синфи 1-ум ба 261 ҳазор нафар расидааст. Дар ин давра 200 муассисаи таълимии нав ва биноҳои иловагӣ барои беш аз 85 ҳазор хонанда сохта, ба истифода дода шудааст, вале ин ҳоло ҳам кам аст.”

Президенти кишвар хуб таъкид карданд, ки роҳи ягонаи таъмини пешрафти ҷумҳурӣ омода кардани кадрҳои соҳибкасб, аз донишҳои замона бархурдору эҷодкор аст ва барои иҷрои ин ҳадаф низоми маорифи ҷумҳурӣ аз ҳар ҷиҳат бояд омода бошад. Пас, вақти он расидааст, ки ба сифати тайёр кардани кадрҳо тамоми нерӯ ва имконоти муассисаҳои маорифи ҷумҳурӣ равона карда мешаванд. Иҷрои масъала боз ҳам ба озодшавии ҷавонони мо аз таъсири хурофот вобастагӣ дорад. Зиндагии шоиста ба мафкураи солиму созанда пайванди ногусастанӣ дорад.

Бе кадрҳои баландихтисос ва ҷавонони худогоҳ рушди минбаъдаи давлат дар арсаи байналмилалӣ самарабахш нест.

Бинобар ин Пешвои миллат дар Паёми хеш ба масъалаи омӯзиши фанҳои табиию риёзӣ, технологияи муосир ва омӯзиши забонҳои хориҷӣ махсусан ёдовар шуданд, ки: “Қобили зикр аст, ки Тоҷикистон тибқи таҳлилҳои ЮНЕСКО ва Бонки ҷаҳонӣ ба гурӯҳи кишварҳое дохил шудааст, ки ҳаҷми маблағгузории онҳо ба соҳаи маориф аз ҳисоби буҷети давлат зиёд мебошад.

Дар ин раддабандӣ мамлакати мо аз 183 кишвари таҳти омӯзиш қарордошта ҷойи 21-умро ишғол менамояд…

…Дар чунин шароит омода кардани кадрҳои баландихтисоси омӯзгорӣ, боз ҳам баланд бардоштани сифати таълим, эътибори ҷиддӣ додан ба омӯзиши забонҳои хориҷӣ дар тамоми зинаҳои таҳсилот, илмҳои дақиқ, риёзӣ ва табиӣ вазифаи муҳимтарини роҳбарону масъулини соҳа ва аҳли маориф мебошад.”.

Соҳаи маориф баҳри хуб ба роҳ мондани корҳои таълимиву илмӣ ва тарбиявию ҷамъиятӣ дар тамоми зинаҳои таҳсилот барои омода кардани кадрҳои баландихтисос таъсири бевосита мегузорад.

Дар баробари ин ҳама ҷонибдориву дастгириҳо Президенти мамлакат муҳтарам Эмомалӣ Раҳмон ҳар яки мо омӯзгоронро вазифадор карданд, ки нисбати баланд бардоштани сифати таълим, эътибори ҷиддӣ додан ба омӯзиши забонҳои хориҷӣ дар тамоми зинаҳои таҳсилот, илмҳои дақиқ, риёзӣ ва табиӣ ҷиддан корбарӣ намоем, ки тақозои вазъи баамаломада ва замони муосир мебошад.

Мо, устодон дар самти таълиму тарбияи ҷавонон аз тамоми имкониятҳои мавҷуда самаранок истифода намуда, баҳри омода намудани мутахассисони баландихтисос  кӯшиш менамоем ва сиёсати пешгирифтаи Пешвои миллатро ҳамаҷониба дастгирӣ менамоем.

Раҳмонова М.Ш. – мудири кафедраи “Фанҳои тиббӣ – биологӣ” – и

МДТ “Коллеҷи тиббии ҷумуҳуриявӣ”

Раззоқова Г.Ҳ. – устоди кафедраи “Фанҳои тиббӣ – биологӣ” – и

МДТ “Коллеҷи тиббии ҷумуҳуриявӣ”