Пеш 1 то 11 саҳифа Баъдӣ

Дар асоси дастуру супоришҳои директори муассисаи давлатии таълимии “Коллеҷи тиббии ҷумҳуриявӣ”, номзади илмҳои тиб Ашуриён Шаҳло Сайфуллозода ҷиҳати ташвиқу тарғиби либосҳои миллиамон бо пайравӣ ба ҳидоятҳои Пешвои муаззами миллат иқдоми “Тоҷикона мепӯшем” ба роҳ монда шудааст.

Бо афзоиши таваҷҷӯҳ ба ҳифз ва таблиғи анъанаҳои миллӣ донишҷӯён ва омӯзгорони муассиса ба даъвати роҳбарият оид ба дастгирии фаъолона ва тарғиби либоси миллӣ бо камоли майл посух доданд. Имрӯзҳо дар дохили деворҳои муассисаи таълимии мо бонувони зебо либосҳои миллии атлас, адрас ва чаканро ба бар намуда лаҳазоти дурахшону хотирмонеро ба вуҷуд меоваранд. Фазои муассисаи таълимӣ бо ин либосҳои рангоранги миллӣ, дигаргун шуд. Ин манзараи зебо гуногунии фарҳанг ва нотакрори анъанаҳои тоҷиконро хотиррасон намуд.

Аҳамияти пӯшидани либоси миллӣ дар ҷомеаи муосир бешубҳа калон аст. Ин на танҳо як роҳи ифодаи асолат ва ҳувият, балки имкони ошноӣ бо фарҳанги худ мебошад. Дар замони ҷаҳонишавӣ, ки бисёре аз анъанаҳо аҳамияти худро гум мекунанд, ҳифз ва оммавигардонии либоси миллӣ дар роҳи ҳифзи мероси фарҳангӣ қадами муҳиме мегардад.

Созмондиҳандагони чорабинӣ ба ҳамаи иштирокчиёне, ки ин иқдомро дастгирӣ кардаанд, изҳори сипос намуда, ҳамчунин даъват мекунанд, ки чунин чорабиниҳо ба ҳифз ва эҳтироми гуногунии фарҳангии ҷомеаи мо идома дода шаванд. Бигзор иқдоми «Тоҷикона мепӯшем» танҳо як қадами хурд, вале муҳим дар роҳи фаҳмиши амиқ ва эҳтироми ихтилофи байни халқҳо гардад.