Пеш 1 то 10 саҳифа Баъдӣ

Аз санаи 18.03.2024 то 20.03.2024 тибқи нақша чорабиниҳои Муассисаи давлатии таълимии “Коллеҷи тиббии ҷумҳуриявӣ” ва нақшаи кории кафедраи “Кори  дандонсозӣ” ҳафтаи фаннӣ дар кафедра баргузор мегардад. Санаи 18.03.24 барои баланд бардоштани савияи дониши донишҷӯён ва ҳавасмандгардонии онҳо  омӯзгорони кафедраи “Кори дандонсозӣ”  Ҳайдаров С.Н. ва Шарифов Д.С. бо роҳбарии бевоситаи мудири кафедра Аҳмадзода М.А. озмуни дохили кафедравӣ аз фанҳои тахассусӣ таҳти унвони “Дандонсозӣ беҳтарин” байни донишҷӯёни курсҳои сеюми факултаи”Кори дандонсозӣ” гузаронида шуд. Дар озмун кормандони шӯъбаи идоракунии сифати таҳсилоти коллеҷ Сафаров А. ва Мазабова Н.Н. иштирок намуданд. Озмуни мазкур аз ду давр иборат буда дар даври аввал ба донишҷӯён ҳайати комиссия ба тариқи шифоҳӣ саволу ҷавоб намуданд.  Даври дуюм бошад бо иҷро кардани корҳои амалӣ сурат гирифт. Натиҷаҳои озмун нишон дод, ки донишҷӯёни гурӯҳи 303 сазовори ҷои якум, донишҷӯёни гурӯҳи 305 сазовори ҷои дуюм ва донишҷӯёни гурӯҳи 304 сазовори ҷои сеюм гардиданд. Суратгузориш аз ҷараёни озмун.