Пеш 1 то 6 саҳифа Баъдӣ

Санаи 19 июни соли 2024 бо дастуру супоришҳои роҳбари МДТ “Коллеҷи тиббии ҷумҳуриявӣ”, номзади илмҳои тиб Ашуриён Шаҳло Сайфуллозода, назорати нақшавии ҷараёни аттестатсияи давлатии хатм аз ҷониби муовини директор оид ба корҳои таълимӣ гузаронида шуд. Лозим ба ёдоварист, ки назорати ҳамарӯзаи имтиҳонҳои ҷорӣ ва аттестатсияи хатм тибқи нақшаҳои тасдиқгардида ба роҳ монда шудаанд. Муовини директор оид ба корҳои таълимӣ Қаюмов Ф.Ҷ. дар доираи вазифа ва салоҳиятҳои худ санҷиш гузаронида, боварӣ ҳосил намуданд, ки тамоми имтиҳонҳо тибқи қоида ва талаботи муқарраршуда гузаронида мешаванд.

Назорати имтиҳонҳо марҳилаи муҳими раванди таълим аст, зеро он на танҳо сатҳи омодагии донишҷӯёнро арзёбӣ менамояд, балки обрӯ ва нуфузи муассисаи таълимӣ низ аз натиҷаҳои он вобаста аст.

Зимни назорат муовини директор оид ба корҳои таълимӣ ба бисёр ҷанбаҳо, аз қабили дурустии имтиҳонот, риояи талаботи ҳуҷҷатгузорӣ, инчунин сатҳи омодагии донишҷӯён таваҷҷуҳ зоҳир намуданд. Бо донишҷӯён ва омӯзгорон баҳри ошкорсозии мушкилотҳо, суҳбатҳо оростанд.

Қайд кардан зарур аст, ки имтиҳонҳои давлатӣ имкон фароҳам меоваранд, то муассисаи таълимӣ мутахассисони воқеан соҳибтахассус омода созад ва минбаъд онҳо дар соҳаи худ бомуваффақият кор карда тавонанд. Илова бар ин, мониторинги имтиҳонҳо имкон медиҳад, ки мушкилот ошкор ва сифати таълим беҳтар шавад.

Ҳамин тариқ, назорат аз болои имтиҳонҳои давлатӣ қисми ҷудонашавандаи раванди таълим буда, имкон медиҳад, ки донишҷӯён маълумоти босифат гирифта, муассисаи таълимӣ ба стандартҳои баланди байналмиллалӣ ҷавобгӯ бошад.