Субҳи санаи 13 сентябри соли 2024, баҳри дар амал татбиқ намудани супоришҳои роҳбари муассиса, н.и.т. Ашуриён Шаҳло Сайфуллозода бобати “Назорат, санҷиши давомоти донишҷӯён ба машғулиятҳо, ошноӣ аз шароити зисти донишҷӯён ва корҳои фаҳмондадиҳӣ бо донишҷӯёни бахши аввали факултетҳо” гурӯҳи кори дар ҳайати муовини директор оид корҳои тарбиявӣ Саидова М. М., сардори Шуъбаи ташкилӣ – тарбиявӣ ва кор бо ҷавонон Шаҳроми З., раиси Шурои занон ва духтарони коллеҷ Ҳасанова З. Ш. ва раиси Созмони ҷавонони коллеҷ Ҷумаев Ф. Ҷ. ба бинои таълимии 3-юми муассиса ташриф оварда бо усули гурӯҳ ба гурӯҳ бо донишҷӯёни бинои таълимии мазкур ҳамсӯҳбат гаштанд.

Гурӯҳи корӣ зимни сӯҳбатҳо бо донишҷӯёни факултетҳо,доир ба одоби салом, ҳурмати омӯзгорон ва калонсолон, сари вақт ҳозир гаштан ба машғулиятҳо, ба машғулиятҳо бо лавозимоти хониш ҳозир шудан, риояи “Дастурамали либосҳои тавсиявӣ”, одоби шаҳрнишинӣ, қоидаҳои санитарию гигиении синфхонаҳо, техникаи бехатарӣ, тозаву озода нигоҳ доштани роҳравҳои бинои таълимӣ, тарзи гузаштан аз роҳҳои мошингузар гуфта гузаштанд.

Бояд қайд намуд, ки чунин санҷишу назорати давомот ва корҳои фаҳмондадиҳӣ дар биноҳои таълимӣ пайваста гузаронида шуда, барои баланд бардоштани савияи дониши донишҷӯён, ҳисси ватандӯстӣ ва маърифати ҳуқуқии онҳо саҳми калон дорад.

Пеш 1 то 6 саҳифа Баъдӣ