Санаи 01.03.2023с. тибқи дастури директори Муассисаи давлатии таълимии “Коллеҷи тиббии ҷумҳуриявӣ” н.и.т Ашуриён Ш. С. дар биноҳои таълимии Муассиса рӯзи “Дарҳои кушод”, баргузор гардид.

Ҷамъомадро ҳайати кормандони коммисияи қабул роҳбаладӣ намуда қадами довталабонро ба Муассиса  хайрамақдам намуда, довталабонро ба гурӯҳҳо тақсим намуданд.

Довталабон сароғоз ба воситаи наворҳои видеоӣ аз раванди таълим, интихоби ихтисос, иштирок дар маҳфилҳо, шароитҳо барои таҳсил огоҳии басанда пайдо намуда ба гурӯҳҳо ҷудо шуда, аз марказҳои таълимию истеҳсолӣ ва  кафедраҳои тахассусӣ дидан намуданд.

Дар поёни суҳбатҳо довталабон ба роҳбаладон дар мавриди имкониятҳои доштаи Муассиса, барои ҳосил намудани касби дилхоҳи коллеҷ саволҳо ба миён гузошта ҷавобҳои мукамал гирифтанд.

Бояд қайд намуд, ки барои шомил шудан ба  Муассиса ҳамарӯза дар саҳифаи расмии коллеҷ ва саҳифаҳои иҷтимоӣ аз тарафи кормандони техникӣ оиди ихтисосҳо корҳои таблиғотӣ гузаронида шуда истодааст.